Гандлева-эканамічныя зносіны паміж Рэспублікай Беларусь і Ісламскай Рэспублікай Пакістан
На працягу апошніх гадоў аб'ём гандлю паміж Рэспублікай Беларусь і Ісламскай Рэспублікай Пакістан вагаецца ў межах ад 50 да 65 мільёнаў долараў у год.
У 2015 годзе створаны базавы інстытуцыянальны механізм функцыянавання двухбаковых гандлёва-эканамічных адносін — Сумесная Беларуска-Пакістанская камісія па гандлёва-эканамічным супрацоўніцтве. З 2015 года адбылося пяць пасяджэнняў Камісій.
Беларусь экспартуе ў Пакістан трактары і запасныя часткі да іх, грузавыя аўтамабілі, калійныя ўгнаенні, жгуты сінтэтычных нітак і сінтэтычныя валокны, шыны, станкі, полікарбонавыя кіслоты (фталевы ангідрыд), газетную паперу, дзіцячае харчаванне (сухія сумесі).
Пакістан экспартуе ў Беларусь рыс, гародніну, садавіну і іншыя харчовыя прадукты, вырабы і матэрыялы са скуры, тканіны, тэкстыль, спартыўны інвентар, хірургічныя інструменты і манікюрные наборы.
Па выніках 2019 года тавараабарот з Пакістанам склаў 50,2 млн. долараў. Экспарт беларускіх тавараў у Пакістан склаў 35,1 млн. долараў, імпарт — 15,1 млн. долараў. Сальда двухбаковага гандлю дадатнае для Беларусі (20 млн. долараў).
У 2020 годзе тавараабарот з Пакістанам склаў 52,1 млн. долараў ЗША. Экспарт беларускіх тавараў склаў 36,6 млн. долараў (тэмп росту 104,6 працэнтаў), імпарт — 15,4 млн. долараў (тэмп росту 102,5 працэнта). Сальда двухбаковага гандлю дадатнае для Беларусі (21,2 млн. долараў).
Бакі працуюць над рэалізацыяй дамоўленасцей, дасягнутых у ходзе афіцыйных візітаў Прэзідэнта Рэспублікі Беларусь А.Р. Лукашэнка ў Ісламскую Рэспубліку Пакістан (28 — 29 мая 2015 года і 4 — 6 кастрычніка 2016 года), Прэм'ер-міністра Ісламскай Рэспублікі Пакістан Н.Шарыфа ў Рэспубліку Беларусь (10 — 12 жніўня 2015 гада), Прэм'ер-міністра Рэспублікі Беларусь Кабякова А.У. у Ісламскую Рэспубліку Пакістан (9 — 11 лістапада 2015 года).
У рамках Сумеснай Беларуска-Пакістанскай камісіі па гандлёва-эканамічным супрацоўніцтве функцыянуюць рабочыя групы па супрацоўніцтве ў галіне прамысловай кааперацыі і ў галіне сельскай гаспадаркі. Першае пасяджэнне рабочай групы па супрацоўніцтве ў галіне прамысловай кааперацыі адбылося ў Мінску 12 красавіка 2016 года, другое – 16 лістапада 2017 года ў Гродна.
Першае пасяджэнне рабочай групы па супрацоўніцтве ў галіне сельскай гаспадаркі праведзена 11 жніўня 2015 года ў Мінску, другое – 17-18 сакавіка 2016 года ў Ісламабадзе, трэцяе – 24 лютага 2017 года ў Мінску, чацвёртае – 16-17 лістапада 2017 года ў Ісламабадзе. Узаемадзеянне дзелавых колаў Беларусі і Пакістана структуравана ў рамках Сумеснага Беларуска-Пакістанскага дзелавога савета, створанага Беларускай гандлёва-прамысловай палатай і Федэрацыяй пакістанскіх гандлёва-прамысловых палат. Першае пасяджэнне савета адбылося 10 жніўня 2015 года ў Мінску, другое – 10-11 сакавіка 2016 года ў Карачы, трэцяе – 10 сакавіка 2017 года ў Карачы.
У рамках візітаў на вышэйшым узроўні праведзены чатыры Беларуска-Пакістанскіх дзелавых і інвестыцыйных форумаў: у траўні і лістападзе 2015 года ў Ісламабадзе, у жніўні 2015 года ў Мінску, у кастрычніку 2016 года ў Ісламабадзе.
27 — 31 сакавіка 2017 года адбыўся візіт у Рэспубліку Беларусь пакістанскай тэкстыльнай дэлегацыі пад кіраўніцтвам Федэральнага сакратара Міністэрства тэкстыльнай прамысловасці Пакістана і Міністра прамысловасці і гандлю пакістанскай правінцыі Пенджаб.
У рамках гэтага візіту ў Мінску быў арганізаваны першы Беларуска-Пакістанскі тэкстыльны форум. 11 красавіка 2017 года ў Ісламабадзе адбыўся першы Беларуска-Пакістанскі сельскагаспадарчы форум. У сакавіку 2016 года і лістападзе 2017 года ў Ісламабадзе праведзены выставы-дэгустацыі беларускай малочнай і мясной прадукцыі.
2 — 7 снежня 2018 г. адбыўся візіт у Пакістан прадстаўнікоў Міністэрства сельскай гаспадаркі і харчавання Рэспублікі Беларусь і Нацыянальнай акадэміі навук Беларусі.
У лютым 2019 г. адбыўся візіт у Пакістан беларускай прамысловай дэлегацыі на чале з намеснікам Міністра прамысловасці.
Важным вынікам стала пастаўка першага ў гісторыі двухбаковых адносін кар'ернага самазвала БЕЛАЗ грузападымальнасцю 45 тон для пакістанскай кампаніі Greaves Pakistan Pvt Ltd.
26 — 28 верасня 2019 г. прадстаўнікі вядучых беларускіх прамысловых прадпрыемстваў і арганізацый НАН Беларусі і ДКНТ пад эгідай Нацыянальнага цэнтра маркетынгу і кан’юнктуры цэн прынялі ўдзел у міжнароднай прамысловай выставе «IEMA-2019», якая адбылася ў сталіцы правінцыі Пенджаб горадзе Лахоры. На палях мерапрыемства таксама арганізаваны Беларуска-Пакістанскі бізнес-форум, у якім прынялі ўдзел прадстаўнікі Міністэрства гандлю і Упраўлення па развіцці гандлю, Міністэрства навукі і тэхналогій, навуковых арганізацый Пакістана, кіраўнікі вайсковых структур і буйных пакістанскіх кампаній, ГПП гарадоў правінцыі Пенджаб, шматлікія дзелавыя колы і тураператары.
17 снежня 2020 г. адбылося першае пасяджэнне Беларуска-Пакістанскай рабочай групы па супрацоўніцтве ў сферы аховы здароўя і фармацэўтыкі.
