Інаўгурацыя Прэзідэнта Рэспублікі Беларусь А.Р. Лукашэнкі
25.03.2025 г.25 сакавіка 2025 г. у г.Мінску ў Вялікай цырыманіяльнай зале Палаца Незалежнасці адбылася цырымонія інаўгурацыі Прэзідэнта Рэспублікі Беларусь А.Р. Лукашэнкі.
Прэм'ер-міністр Пакістана Шахбаз Шарыф 25 сакавіка 2025 г. павіншаваў Кіраўніка беларускай дзяржавы з правядзеннем інаўгурацыі.
На цырымонію былі запрошаны больш за 1100 чалавек. За некалькі мінут да прыбыцця Аляксандра Лукашэнкі ўнеслі Дзяржаўны сцяг Рэспублікі Беларусь і штандар Прэзідэнта Рэспублікі Беларусь.
У пачатку цырымоніі пад гукі ўрачыстага марша да месца правядзення інаўгурацыі ўнеслі Канстытуцыю Рэспублікі Беларусь. Адкрыў цырымонію старшыня Цэнтральнай выбарчай камісіі Ігар Карпенка, які аб'явіў, што волей народа Беларусі ва ўмовах свабодных і дэмакратычных выбараў Прэзідэнтам краіны выбраны Аляксандр Лукашэнка.
Паклаўшы правую руку на Канстытуцыю, Аляксандр Лукашэнка вымавіў прысягу на беларускай мове: «Заступаючы на пасаду Прэзідэнта Рэспублікі Беларусь, урачыста клянуся верна служыць народу Рэспублікі Беларусь, паважаць і ахоўваць правы і свабоды чалавека і грамадзяніна, захоўваць і абараняць Канстытуцыю Рэспублікі Беларусь, свята і добрасумленна выконваць ускладзеныя на мяне высокія абавязкі».
Затым быў выкананы Дзяржаўны гімн Беларусі, пасля чаго Прэзідэнт падпісаў акт аб прынясенні Прысягі. Старшыня ЦВК уручыў Аляксандру Лукашэнку пасведчанне Прэзідэнта Рэспублікі Беларусь.
Па выніках выбараў 26 студзеня бягучага года Прэзідэнтам Рэспублікі Беларусь выбраны Аляксандр Лукашэнка. За яго кандыдатуру было пададзена 5 136 293 галасы выбаршчыкаў, што склала 86,82 працэнта ад колькасці грамадзян, якія прынялі ўдзел у галасаванні.
