Аб сустрэчы Пасла Беларусі А.Мяцеліцы з Федэральным Міністрам камунікацый Пакістана
26.08.2024 г.26 жніўня 2024 г. Надзвычайны і Паўнамоцны Пасол Рэспублікі Беларусь у Ісламскай Рэспубліцы Пакістан Андрэй Мяцеліца сустрэўся з Федэральным Міністрам камунікацый (Федэральным Міністрам прыватызацыі, членам Савета па інвестыцыях) Ісламскай Рэспублікі Пакістан Абдулам Алімам Ханам.
У ходзе сустрэчы бакі абмеркавалі актуальны стан беларуска-пакістанскіх двухбаковых адносін у галіне транспарту і магчымасці актывізацыі супрацоўніцтва ў гэтай сферы.
Асобная ўвага нададзена перспектывам пашырэння транспартных маршрутаў паміж дзвюма краінамі для стварэння больш спрыяльных умоў перавозкі грузаў, што ў сваю чаргу будзе садзейнічаць двухбаковаму гандлю.
Суразмоўцы пагадзіліся з важнасцю далейшага ўмацавання партнёрства паміж Беларуссю і Пакістанам у транспартнай і іншых сферах.
