Аб удзеле Пасла Беларусі А.Мяцеліцы ў цырымоніі адкрыцця выстаўкі, прысвечанай Дню памяці ахвяр генацыду савецкага народа
17.04.2026 г.17 красавіка 2026 г. Надзвычайны і Паўнамоцны Пасол Рэспублікі Беларусь у Ісламскай Рэспубліцы Пакістан Андрэй Мяцеліца прыняў удзел у цырымоніі адкрыцця выстаўкі, прысвечанай Дню памяці ахвяр генацыду савецкага народа, учыненага нацыстамі і іх саўдзельнікамі ў перыяд Вялікай Айчыннай вайны 1941-1941 гг. Мерапрыемства арганізавана Пасольствам Расіі ў Пакістане ў Нацыянальным савеце мастацтваў Пакістана.
У мерапрыемстве прынялі ўдзел паслы краін СНД і шэрагу сяброўскіх дзяржаў, прадстаўнікі МЗС Пакістана, Упраўлення нацыянальнай спадчыны і культуры ІРП, а таксама пакістанскай акадэмічнай супольнасці.
Выстаўка прысвечана ўшанаванню памяці савецкіх грамадзян, якія загінулі ад рук нямецка-фашысцкіх захопнікаў, падкрэслівае вырашальную ролю брацкіх народаў дзяржаў — удзельніц СНД у разгроме нацызму і забеспячэнні стабільнага і незалежнага развіцця большасці краін еўразійскага кантынента.
