Аб перамовах міністра замежных спраў Беларусі С.Алейніка з Міністрам замежных спраў Пакістана

30 мая 2023 г. у рамках афіцыйнага візіту ў Ісламскую Рэспубліку Пакістан Міністра замежных спраў Рэспублікі Беларусь Сяргея Алейніка адбыліся перамовы з Міністрам замежных спраў Пакістана Білавалам Бхутта Зардары.

Кіраўнікі знешнепалітычных ведамстваў абмеркавалі ўвесь комплекс пытанняў беларуска-пакістанскага супрацоўніцтва ў палітычнай, эканамічнай, гуманітарнай сферах.

Разгледжаны шэраг крокаў і магчымасцей па нарошчванні гандлёва-эканамічнага ўзаемадзеяння з акцэнтам на прамысловую кааперацыю, супрацоўніцтва ў сферы сельскай гаспадаркі іхарчавання.

Міністры сышліся ў меркаванні аб наяўнасці ў дзвюх краін сур'ёзнага патэнцыялу для рэалізацыі сумесных эканамічных праектаў. Падкрэслена важнасць развіцця і ўмацавання прамых кантактаў на ведамасным, галіновым і міжрэгіянальным узроўнях, а таксама паміж прадстаўнікамі дзелавых колаў Беларусі і Пакістана.

Суразмоўцы акцэнтавалі ўвагу на неабходнасці актывізацыі супрацоўніцтва ў транспартна-лагістычнай сферы з задзейнічаннем магчымасцяў транспартнага калідора «Поўнач – Поўдзень».

Разгледжаны пытанні далейшага развіцця і ўдасканалення двухбаковай дагаворна-прававой базы.

Бакі канстатавалі супадзенне падыходаў і поглядаў на сучаснае светаўладкаванне, прыхільнасць нормам і прынцыпам Статута ААН. Дамовіліся працягнуць практыку ўзаемнай падтрымкі на міжнароднай арэне, у тым ліку на пляцоўках Арганізацыі Аб'яднаных Нацый.

Кіраўнік МЗС Беларусі выказаў удзячнасць пакістанскаму боку за падтрымку ў працэсе ўступлення Беларусі ў ШАС, падкрэсліўшы зацікаўленасць у каардынацыі супрацоўніцтва на аснове прынцыпаў суверэннай роўнасці дзяржаў, узаемнай павагі і стварэння.

Адбыўся абмен думкамі па пытаннях міжнароднай і рэгіянальнай бяспекі, уключаючы сітуацыю ва Украіне.

Па выніках перамоў падпісана Пагадненне аб адмене віз для ўладальнікаў дыпламатычных і службовых пашпартоў, Мемарандум аб узаемаразуменні паміж Беларускім інстытутам стратэгічных даследаванняў і Інстытутам стратэгічных даследаванняў Ісламабада, а таксама сумесная заява міністраў замежных спраў па выніках афіцыйнага візіту.

Бакі дамовіліся правесці ў 2024 годзе мерапрыемствы, прымеркаваныя да 30-годдзя ўстанаўлення дыпламатычных адносін паміж дзвюма дзяржавамі.

Версія для друку