Аб удзеле Пасла ў Беларуска-Пакістанскім Дзелавым савеце
12.04.2021 г.12 красавіка 2021 г. адбылося чацвёртае пасяджэнне Беларуска-Пакістанскага Дзелавога савета ў фармаце відэаканферэнцыі, якое арганізавана Беларускай гандлёва-прамысловай палатай сумесна
з Федэрацыяй ГПП Пакістана пры садзейнічанні Пасольства.
У Дзелавым савеце ўзялі ўдзел Міністр энергетыкі Беларусі, Паслы Беларусі і Пакістана, кіраўніцтва гандлёва-прамысловых палат і беларускіх прадпрыемстваў, прадстаўнікі Міністэрства па эканамічных пытаннях, Упраўлення па развіццю гандлю і Савета па інвестыцыях Пакістана, ганаровы консул Беларусі ў г.Лахоры Валід Муштак, а таксама дзелавыя колы дзвюх краін.
На мерапрыемстве абмеркаваны актуальныя пытанні ўзаемадзеяння бакоў у гандлёва-эканамічнай сферы, уключаючы крокі, накіраваныя на павышэнне аб’ёму двухбаковага гандлю і яго эфектыўнасці, у тым ліку механізмы садзейнічання ГПП Беларусі і Пакістана ў пошуку дзелавых партнёраў.
У прывітальным слове Пасол Беларусі ў Пакістане Андрэй Мяцеліца пазначыў перспектыўныя кірункі двухбаковага супрацоўніцтва ў эканамічнай сферы.
