Пасол Андрэй Мяцеліца сустрэўся з генеральным дырэктарам упраўлення Еўропы МЗС Пакістана Рабіяй Шафік
16.02.2021 г.16 лютага 2021 г. адбылася сустрэча Пасла Беларусі ў Пакістане Мяцеліцы А.М. з генеральным дырэктарам упраўлення Еўропы пакістанскай знешнепалітычнай установы Рабіяй Шафік.
Падчас гутаркі былі абмеркаваны актуальныя пытанні двухбаковага парадку дня, у тым ліку правядзенне ў гэтым годзе шостага пасяджэння Сумеснай беларуска-пакістанскай камісіі па гандлёвым і эканамічным супрацоўніцтве, пасяджэнняў двухбаковых профільных працоўных груп і пятага раўнда кансультацый паміж міністэрствамі замежных спраў як важных элементаў падрыхтоўкі візіту Прэм’ер-міністра Пакістана І.Хана ў г.Мінск у адпаведнасці з запрашэннем Кіраўніка беларускай дзяржавы.
Акрамя таго, прааналізаваны магчымасці пашырэння дагаворна-прававой базы супрацоўніцтва шляхам падпісання шэрагу дакументаў у рамках мерапрыемстваў двухбаковага фармату.
Акрэслены канкрэтныя крокі, якія абодва бакі гатовыя зрабіць для актывізацыі дынамікі двухбаковага супрацоўніцтва.
Суразмоўцы згадзіліся аб значнасці выкарыстання механізмаў эканамічнай дыпламатыі для ўмацавання ўсяго спектру адносін паміж нашымі краінамі.
