Прэзідэнт Беларусі А.Р. Лукашэнка павіншаваў Ш.Шарыфа з абраннем на пасаду Прэм'ер-міністра Пакістана
06.03.2024 г.Прэзідэнт Беларусі Аляксандр Лукашэнка 6 сакавіка 2024 г. павіншаваў Шахбаза Шарыфа з выбраннем на пасаду Прэм'ер-міністра Ісламскай Рэспублікі Пакістан, а таксама з паспяховым правядзеннем выбарчай кампаніі і фарміраваннем Урада Пакістана.
«Жадаю Вам рэалізаваць усе планы і праекты для далейшага развіцця вашай прыгожай краіны, задавальнення патрэб пакістанскага грамадства. Перакананы, што супрацоўніцтва з Мінскам будзе гэтаму садзейнічаць. Ісламабад на працягу 30 гадоў з'яўляецца нашым надзейным партнёрам. Прыемна адзначыць, што ўрады Беларусі і Пакістана добрасумленна выконваюць дамоўленасць аб актывізацыі двухбаковых сувязеў, якой мы дасягнулі падчас асабістых сустрэч у Самаркандзе і Астане ў 2022 годзе», — гаворыцца ў віншаванні.
Так, у 2023 годзе адбыліся пасяджэнне Сумеснай Беларуска-Пакістанскай міжурадавай камісіі па гандлёва-эканамічным супрацоўніцтве ў Мінску, афіцыйны візіт Міністра замежных спраў Беларусі ў Ісламабад і іншыя двухбаковыя мерапрыемствы.
«Пацвярджаю гатоўнасць наведаць Пакістан у гэтым годзе. Перакананы, што наша сустрэча паспрыяе паглыбленню ўзаемадзеяння ў сферах прамысловасці, фармацэўтыкі, сельскай гаспадаркі, нафтахіміі, электратранспарту, адукацыі, навукі і тэхналогій», — падкрэсліў Кіраўнік дзяржавы.
Кіраўнік беларускай дзяржавы А.Р. Лукашэнка пажадаў Прэм'ер-міністру Пакістана Шахбазу Шарыфу моцнага здароўя і поспехаў на адказнай дзяржаўнай пасадзе, а таксама міру і дабрабыту пакістанскаму народу.