Сталае жыхарства за межамі Рэспублікі Беларусь
У адпаведнасці з Законам Рэспублікі Беларусь ад 20 верасня 2009 года «Аб парадку выезду з Рэспублікі Беларусь і ўезду ў Рэспубліку Беларусь грамадзян Рэспублікі Беларусь» сталае жыхарства грамадзян за межамі Рэспублікі Беларусь афармляецца шляхам выдачы пашпарта грамадзяніна Рэспублікі Беларусь для сталага пражывання за межамі Рэспублікі Беларусь і пастаноўкі на пастаянны консульскі ўлік.
Афармленне сталага пражывання за межамі Рэспублікі Беларусь для грамадзян, права на выезд якіх з Рэспублікі Беларусь часова абмежавана, не дапускаецца да зняцця часовага абмежавання права на iх выезд з Рэспублікі Беларусь.
Рашэнне аб выдачы пашпарта грамадзяніна Рэспублікі Беларусь для сталага пражывання за межамі Рэспублікі Беларусь грамадзяніну, які выехаў з Беларусі для часовага знаходжання за мяжой і жадае юрыдычна аформіць сталае пражыванне за межамі Рэспублікі Беларусь, прымаецца дыпламатычным прадстаўнiцтвам ці консульскай установай Рэспублiкi Беларусь (у Пакістане – Пасольствам Рэспублікі Беларусь у Ісламабадзе).
Грамадзяне, якія заявілі пра сваё жаданне стала пражываць за межамі Рэспублікі Беларусь, да афармлення сталага пражывання за межамі нашай краіны абавязаны ў парадку, устаноўленым заканадаўствам Рэспублікі Беларусь:
– выканаць падатковыя абавязкі;
Інфармацыя аб парадку падачы падатковых дэкларацый і аплаты падаткаў у выніку атрымання даходаў ад выплатнага адчужэння нерухомай маёмасцi ці легкавых аўтамабіляў, а таксама ў выглядзе грашовых перакладаў ці гуманітарнай дапамогі з-за мяжы.
– спыніць дзейнасць індывідуальнага прадпрымальніка – для грамадзян, якія ажыццяўляюць такую дзейнасць на тэрыторыі Рэспублікі Беларусь;
– атрымаць згоду ваеннага камісарыята на афармленне сталага пражывання за межамі Рэспублікі Беларусь – для асоб мужчынскага полу прызыўнога ўзросту;
– выканаць аліментныя абавязкі – для грамадзян, якія маюць непаўналетніх дзяцей у Рэспубліцы Беларусь, а таксама для грамадзян, якія абавязаны выплачваць аліменты ў дачыненні да мужа, былога мужа, непрацаздольных поўнагадовых дзяцей, якія маюць патрэбу ў дапамозе, ці непрацаздольных бацькоў, якія маюць патрэбу ў дапамозе;
– пакрыць выдаткі, затрачаныя беларускай дзяржавай на ўтрыманне дзяцей, якія знаходзяцца на дзяржаўным забяспечанні, – для грамадзян, якія ў адпаведнасці з заканадаўствам Рэспублікі Беларусь абавязаны кампенсаваць такія выдаткі.
Дакументы, выдадзеныя кампетэнтнымі органамі замежных дзяржаў, прымаюцца пры ўмове іх легалізацыі (або прастаўлення апастылю) і натарыяльна заверанага перакладу на адну з дзяржаўных моў Рэспублікі Беларусь (беларускую ці рускую).
Консульскі збор за разгляд заявы аб афармленні сталага пражывання за межамі Рэспублікі Беларусь складае 175 еўра. Для асоб, якія не дасягнулі 14-гадовага ўзросту, консульскае дзеянне ажыццяўляецца бясплатна.
Тэрмін разгляду заявы – каля 4 месяцаў з дня падачы заявы.
Пасля афармлення сталага пражывання грамадзяніну неабходна атрымаць пашпарт для сталага пражывання за межамі Рэспублікі Беларусь (серыі «РР») і стаць на пастаянны консульскі ўлік у дыпламатычным прадстаўніцтве ці консульскай установе Рэспублікі Беларусь у дзяржаве сталага пражывання, а ў выпадку адсутнасці дыпламатычнага прадстаўнiцтва ці консульскай установы Рэспублiкi Беларусь у дзяржаве сталага пражывання – у дыпламатычным прадстаўніцтве ці консульскай установе Рэспублікі Беларусь у іншай найбліжэйшай дзяржаве альбо ў Галоўным консульскім упраўленні Міністэрства замежных спраў Рэспублікі Беларусь.
Дакументы для афармлення сталага пражывання за межамі Рэспублікі Беларусь грамадзянам Рэспублікі Беларусь, якія дасягнулі 14-гадовага ўзросту і выехалі для часовага знаходжання за межамі Рэспублікі Беларусь:
– заява;
– анкета заяўніка;
– пашпарт заяўніка;
– пасведчанне аб нараджэнні заяўніка;
– дзве каляровыя фатаграфіі заяўніка памерам 40х50 мм (адным лістом), якія адпавядаюць яго ўзросту;
– пасведчанне аб нараджэнні дзяцей заяўніка – у выпадку, калі заяўнік мае дзяцей, якія не дасягнулі 18-гадовага ўзросту;
– пасведчанне аб змене прозвішча, уласнага імя, імя па бацьку – у выпадку перамены заяўнікам прозвішча, уласнага імя, імя па бацьку;
– пасведчанне аб заключэнні шлюбу – у выпадку, калі заяўнік знаходзіцца ў шлюбе;
– пасведчанне аб скасаванні шлюбу ці копiя рашэння суда аб скасаванні шлюбу – у выпадку скасавання заяўнікам шлюбу;
– пасведчанне аб смерці ці копiя рашэння суда аб аб'яўленнi грамадзянiна/грамадзянкі памерлым(-ай) – у выпадку смерці мужа/жонкі заяўніка;
– натарыяльна засведчаная пісьмовая згода законнага прадстаўніка непаўналетняга дзіцяці заяўніка, які пражывае ў Рэспубліцы Беларусь, або другой асобы, у дачыненні да якой заяўнік абавязаны выплачваць алiменты, на афармленне заяўніку сталага пражывання за межамі Рэспублікі Беларусь, або копiя рашэння суда аб магчымасцi выезду заяўніка з Рэспублікі Беларусь на сталае пражыванне за межамі Рэспублікі Беларусь без згоды названых асоб – у выпадку пражывання ў Беларусі непаўналетніх дзяцей заяўніка, альбо іншых асоб, у дачыненні да якіх заяўнік абавязаны выплачваць алiменты;
– працоўная кніжка заяўніка (пры яе наяўнасці);
– дакумент, выдадзены кампетэнтным органам замежнай дзяржавы, які пацвярджае права заяўніка на пражыванне;
– дакумент, які пацвярджае аплату консульскага збору.
Акрамя названых дакументаў непаўналетнія грамадзяне (ва ўзросце да 18 гадоў) прадстаўляюць:
– пашпарт ці іншыя дакументы, якія сведчаць асобу законных прадстаўнікоў непаўналетняга;
– пісьмовую натарыяльна засведчаную згоду законнага прадстаўніка непаўналетняга, які не афармляе сталае пражыванне за межамі Рэспублікі Беларусь сумесна з непаўналетнім і пражывае ў Рэспубліцы Беларусь, на афармленне непаўналетняму сталага пражывання за межамі Рэспублікі Беларусь. Пры адсутнасці такой згоды неабходна прадаставіць копію рашэння суда аб афармленні непаўналетняму сталага пражывання за межамі Рэспублікі Беларусь без згоды такога законнага прадстаўніка, ці копію рашэння суда аб прызнанні такога законнага прадстаўніка недзеяздольным, ці копію рашэння суда аб пазбаўленні такога законнага прадстаўніка бацькоўскіх правоў, выдадзеную органам, які вядзе крымінальны працэс, ці даведку аб вышуку такога законнага прадстаўніка, або шлюбную дамову ці пагадненне аб дзецях;
– копію рашэння суда аб аб'яўленні законнага прадстаўніка непаўналетняга памерлым ці аб прызнанні яго без вестак адсутным альбо даведку органа ЗАГС, якая змяшчае звесткі з запісу акта аб нараджэнні, калі запіс пра бацькоў дзіцяці праведзен у адпаведнасці з артыкулам 55 Кодэкса Рэспублікі Беларусь аб шлюбе і сям'і, – у выпадку, калі адзін з законных прадстаўнікоў непаўналетняга адсутнічае;
– дакументы, якія пацвярджаюць пражыванне законнага прадстаўніка непаўналетняга ў дзяржаве, у якую непаўналетні выязджае на сталае пражыванне, – у выпадку афармлення сталага пражывання за межамі Рэспублікі Беларусь непаўналетняга без законнага прадстаўніка.
Дакументы для афармлення сталага пражывання за межамі Рэспублікі Беларусь грамадзянам Рэспублікі Беларусь, якія не дасягнулі 14-гадовага ўзросту і выехалі з Рэспублiкi Беларусь для часовага знаходжання за межамі Рэспублікі Беларусь:
– заява законнага прадстаўніка малалетняга грамадзяніна;
– пашпарт малалетняга (пры яго наяўнасці);
– пасведчанне аб нараджэнні малалетняга;
– дзве каляровыя фатаграфіі малалетняга памерам 40х50 мм (адным лістом), якія адпавядаюць яго ўзросту;
– пашпарт ці іншыя дакументы, якія сведчаць асобу законнага прадстаўніка малалетняга;
– дакументы, якія пацвярджаюць статус законнага прадстаўніка малалетняга;
– натарыяльна засведчаная пісьмовая згода законнага прадстаўніка малалетняга, які не афармляе сталае пражыванне за межамі Рэспублікі Беларусь сумесна з малалетнім і пражывае ў Рэспубліцы Беларусь, на афармленне малалетняму сталага пражывання за межамі Рэспублікі Беларусь. Пры адсутнасці такой згоды неабходна прадаставіць копію рашэння суда аб афармленні малалетняму сталага пражывання за межамі Рэспублікі Беларусь без згоды такога законнага прадстаўніка, ці копію рашэння суда аб прызнанні такога законнага прадстаўніка недзеяздольным, ці копію рашэння суда аб пазбаўленні такога законнага прадстаўніка бацькоўскіх правоў, выдадзеную органам, які вядзе крымінальны працэс, ці даведку аб вышуку такога законнага прадстаўніка, альбо шлюбную дамову ці пагадненне аб дзецях;
– пасведчанне аб смерці законнага прадстаўніка малалетняга, або копію рашэння суда аб аб'яўленні законнага прадстаўніка малалетняга памерлым ці аб прызнанні яго без вестак адсутным, або даведку органа ЗАГС, якая змяшчае звесткі з запісу акта аб нараджэнні, калі запіс пра бацькоў дзіцяці праведзен у адпаведнасці з артыкулам 55 Кодэкса Рэспублікі Беларусь аб шлюбе і сям'і, – у выпадку, калі адзін з законных прадстаўнікоў малалетняга адсутнічае;
– дакументы, якія пацвярджаюць пражыванне законнага прадстаўніка малалетняга ў дзяржаве, у якую малалетні выязджае на сталае пражыванне, – у выпадку афармлення сталага пражывання за межамі Рэспублікі Беларусь малалетняга без законнага прадстаўніка;
– дакумент, выдадзены кампетэнтным органам замежнай дзяржавы, які пацвярджае права малалетняга на пражыванне ў гэтай краіне.
